أرشيف: أيار, 2007
كتبهاالشاعر الفلسطيني إياد عاطف حياتله ، في 22 أيار 2007
الساعة: 00:41 ص
التصنيفات :
شعر مش موزون | السمات:
شعر مش موزون
أنا من قلبي بَ حيّي جامعتـي
خيار الناس بصفوفك جَمعتـي
أساتذتي وزملائي وجماعتـي
الصبايا والدكاترة والشبـاااب
***
إلى فلسطين إبنهـدي عِلِمنـا
تَنرفع بالسمـا عالـي عَلَمنـا
بهالجامعـة تعلّمنـا وعَلِمْنـا
ترابك يا وطـن مثـل الذهِـبْ
***
على دلعونـا وعلـى دلعونـا واحنا تخرّجنا لاْجْل فلسطينـا
***
بعلمي وبسلاحي بحرّر بـلادي وبطّهر أرضي مـن الأعـادي
ولمّا علينا يا أقصـى تنـادي تلقى كتيبـة مـن الخرّيجينـا
***
يا محلى الفرحة ومحلى النّجاحِ وفجر الحرّيـة عَ الوطـن لاحِ
حيّاهـم الله أهــل النّـجـاحِ يـومٍ بالعِـلِـم يتمسّكـونـا
***
نابلس الثورة يا جبـال النّـارِ فيهـا جامعتـي إمّ الأحــرارِ
منها تخرّجنـا عُلمـا وثـوّارِ نتحدّى العدا وبنـي صهيونـا
***
يمّا يـا يمّـا إرفعـي راسِـكْ وآنا جاييكي الشّهـادة ماسِـكْ
يا فلسطيني رح نبني ساسِـكْ ونعلّي صيتك ع اطراف الكونا
***
يا بوي الغالي وجودك شرّفني على المعالـي والله شجّعنـي
بدعي لربّـي يعطيـك الجنّـه مـع الصّحـابـة والنّبييـنـا
***
أخوي وأختي هـالْ شجّعونـي بعطيهم والله روحي وعيونـي
ولادي وبناتي ومرتي الحنونه معهم فرحتنـا بيجـنّ جنونـا
***
أستاذي حدّي ودكتوري جنبـي الله يخلّيهـم يحفظهـم ربّـي
والله مَ اْنساهم ، ما بنسى كتبي قلبي وحياتي ونـورِ العيونـا
***
جيبـوا الكنافـة هالنابلسيّـه حتّـى نتحلّـى مِيّـه عَ مِيّـه
واللّي ما تخرّج إيشـدّ شويّـه والسنة الجاية موعدنـا هونـا
***
يا عبد الناصر يا محمّد صبحه تمنّينا تكونوا معنـا بالفرحـه
طيور الحريّة بكرا رح تِصحـى وأسرى جامعتـي يتحرّرونـا
***
بيوم التخرّج ما بنسى اخواني الأبطال الشّهدا وقيس العدوانِ
نجحـوا بالـدّرس والإمتحـانِ وكرمى للوطـن إستشهدونـا
***
إحنا درسنا وجبنـا الشهـادة لكـن مُنيتنـا ننـال الشهـادة
بَـدعـي لَ ألله ربّ العـبـادِ يحقّق رجانا بنصـر مضمونـا
***
على دلعونـا وعلـى دلعونـا واحنا تخرّجنا لاْجْل فلسطينـا
***
رابط الفيديو
http://www.youtube.com/watch?v=fyj1AyNi0zY
روابط الموضوع
http://www.arabswata.org/forums/showthread.php?p=72593&posted=1#post72593
http://www.paldf.net/forum/showthread.php?t=129255
http://www.rabitat-alwaha.net/moltaqa/showthread.php?p=261740#post261740
المزيد...
-----------------------------------------------------------
كتبهاالشاعر الفلسطيني إياد عاطف حياتله ، في 19 أيار 2007
الساعة: 15:53 م
التصنيفات :
شعر مش موزون | السمات:
شعر مش موزون
تايه بهالأخبار مخبـوص الفِكـرْ
يومين لي محتار وقليبـي انفطَـرْ
قاعد وبذرف من دمع عيني عِبَـرْ
ما عدت أعرف مين صحّ ومَن عثَرْ
لكن إلـه الكـون أعطانـي نظـرْ
وفؤاد نافـذ بالبصيـرة والبصَـرْ
واحساس يفرق بين أصناف البشرْ
بقدر أشوف اللي وفا واللي غـدَرْ
واعرف مَن المحقوق حتى لو نكرْ
أو أقسم الأيمان وبالتقوى انستَـرْ
حتّى لوِن باس اللحى وقام اعتـذرْ
مثلو مثل لِحصيـن مكّـار ومَكَـرْ
بوجهي يبشّ كثير وبظهري خطرْ
بيحالف الصهيونِ ضدي والحَمَـرْ
يطلب من الأعداء تقصف لي المقرْ
ويشمت بدمّ اطهار عالأرض انتثَرْ
واللي انخفى يا ناس أدهى بل أمرْ
باع القدس وتخلّى عن لاجي دَشرْ
*
*
لكن إذا القسّـام صاروخـو عبَـرْ
جوّا على سديروت دوّى وانفجـرْ
بَوْقفْ معو بالمعركة ضـد الزُمَـرْ
ضد الحرامي اللي جمع دمّي صُرَرْ
أُمَرا حروب تجمّعوا بحفلة سمَـرْ
والشعب جايع وهم يعيشوا بالبطَرْ
يكفي أكم مرّة على الباغي صبـرْ
بلع الظلم مرّات وبصـدرو طمَـرْ
حتّى إذا ما السيل طفطف وانتشـرْ
قام انتخى تقدح عيونـو بالشـرَرْ
حتّى يحط الحدّ للواطـي الْ فَجَـرْ
ويعلّـم الخـوّان إدروس وعِبَـرْ
ويطوي زمن يا خوي بالذل انسطرْ
ويعود نور الحق يضوي كالقمَـرْ
لا ما بَساوي بين بو جهل وعمـرْ
وحدو إبن قسّام عنـدي كالـدّرَرْ
بدعي لـربّ الكـون ألله ينصـرو
قادر تَ ينصر ثاير بإسمو انتصَـرْ
..........
مع الشكر للأخ الحبيب أبو البراء
المزيد...
-----------------------------------------------------------
أبو عاطف الشجراوي … شاعر الغربات والمنافي
أظهر كافة المعلومات
